Донесени измените на законите за пензиско осигурување и за градење
Собранието на Република Македонија денеска во рамки на продолжението на 110. седница ги донесе измените и дополнувањата на Законот за пензиското и инвалидското осигурување и на Законот за градење, двата по скратена постапка.
Со Закон за изменување и дополнување на Законот за пензиското и инвалидското осигурување, по скратена постапка, се предлага усогласувањето на пензиите во 2016 година да изнесува 5%, со цел подобрување на социјалната положба на корисниците на пензија.
Измените и дополнувањата на Законот за градење, по скратена постапка предвидуваат поефикасно спроведување на постапките за дислокација на енергетски објекти поради изградба на патна и железничка инфраструктура и ставање во употреба на одредени градби од јавен интерес.
Според пратеничката Роза Топузова Каревска, со овој закон, како што кажа, на мала врата се суспендира членот 59-ѕ од Законот за градење, кој предвидува одредени норми што се многу важни.
Во членот 4 од измените и дополнувањата на Законот за градење се предвидува во членот 59-ѕ да се додаде нов став што ќе предвидува одредбите од ставовите 1, 2, 3, 4 и 5 на овој член, да не се применуваат за надградба на објекти за индивидуално домување изградени во опфат на кој согласно урбанистички план или урбанистичко-планска документација е предвидена изградба на објект од јавен интерес утврден со закон.
Ново на Сител
-
ДИК: Гласањето во затворите тече без проблеми
-
Водителот Марко Новески стана татко на близначиња
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО