Доналд Трамп инспирација за негативецот од „Враќање во иднината“

Главниот негативец од познатиот блокбастер „Враќање во иднината“, Биф Танен, е работен според ликот на републиканскиот претендент за претседателски кандидат Доналд Трамп, обелодени сценаристот на филмот Боб Гејл.

Во интервју за он лајн весникот „Дејли бист“, Гејл рече дека њујоршкиот магнат послужил како инспирација за лутиот непријател Марти Мекфлај, кој во вториот дел на филмот е прикажан како сопственик на 27-катно казино чија желба е да стане владетел на фиктивниот калифорниски град Хил Вали.

На констатацијата дека казиното на Танен многу личи на хотелот на Трамп Плаза во Атлантик Сити, кој е изграден пет години пред да е снимен филмот, Гејл наведе дека „тоа е намерно направено“.