Живот
27. February 2017 - 23:25

Докторка вратила петгодишно девојче бидејќи доцнелe 4 минути, за 5 часа веќе билo мртвo

Петгодишно девојче починало 5 часа откако докторката одбила да ја прими на преглед. На Ели Меј Кларк и на нејзината мајка им било речено дека задоцниле за прегледот и да се вратат утре, а истиот ден девојчето починало од напад на астма.
 
Докторката која ги вратила одбила да го коментира случајот, а како јави ББЦ, семејството на девојчето ќе поркене истрага. За целиот случај да биде уште потрагичен, Ели и нејзината мајка на закажаниот преглед задоцниле само 4 минути, а бабата на девојчето додала дека таа дури и се јавила да каже дека нема да стигнат на време за прегледот.
 
- Докторката Роув не ги примила. Нејзината одлука го чинеше нашето девојче животот, порачала бабата.
 
Ели Меј инаку добивала тешки напади на астма и веќе подолго време била лечена во болница. Како што пренесува Дејли Мејл, докторката била предупредена дека девојчето пати од сериозна болест, но таа сепак одлучила да не ја прими.
 
Тој ден на малото девојче му се слошило, а нејзината мајка закажала кај докторката за во 17 часот, а стигнала во 17.04.
 
Потоа се вратиле дома, а повикот кон Итната помош кога нејзината состојба почнала сериозно да се влошува го утатиле во 22.35. Таа доживеала напад по кој престанала да дише. Докторите кои дошле на помош, за жал не успеале да и помогнат.
 
-Се чувствуваме ужано. Мислам дека таа докторката треба да оди во затвор за ова. Не ни се ни извини, изјавиле од семејството.
 
Докторката Роув инаку работи како педијатар 22 години, а истрагата за овој случај покажала дека таа не ја земала в предвид историјата на болеста на ова дете, по што за сега е преместена на друго работно место. Таа тврдела и дека била со друг пациент, па затоа не можеле да ја прими малата Ели, но истрагата покажала дека ова тврдење не е точно.