Дојран уште понеизвесна табела на ,,Beach Run 2016"
На третата трка од летната лига во трчање на плажа ,,Beach Run 2016" на победничкиот подиум повторно се качија најдобрите од втората трка во Претор, со што се намали разликата во табелата во вкупен пласман и се наговести уште понеизвесна разврска до крајот на серијата.
На досега најинтересната трка за публиката во преполниот Дојран, најдобри кај дамите беа Марија Стојановска, Весна Кираџиева и Милена Чкрипеска, додека кај посилниот пол најбрзи беа Дарио Ивановски, Муџахид Мислимоски и Игор Јакимовски.
По ваквиот скор од Дојран, на табелата во вкупен пласман по три трки, кај девојките на врвот се наоѓаат Марија Стојановска со 70, Весна Кираџиева со 62 и Марго Бојаџиева со 39 поени, а кај машките Игор Јакимовски со 57, Дарио Ивановски со 50 и Атанас Анчевски со 45 поени. Малата разлика во поени најавува неизвесен епилог на серијата од која останаа уште две трки, следниот викенд во Маврово и последната во Охрид на крајот од месецот.
Милена Чкрипеска кај женските и Муџахид Мислимоски и Пепи Анакијев кај машките, се во реална можност со нови добри резултати да ги променат најдобрите три во двете категории.
Следната трка од серијата ќе се одржи во Маврово, во недела на 24 јули.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација