Детски бадникови поворки во пресрет на Божик
Како дел од прославата на Бадник и Божик утре низ улиците на сите градови во Македонија вторпат ќе се одржи манифестација „Бадникови поворки“ со учество на дечиња кои ќе ја пејат Божиќната песна со што ќе го најават Христовото раѓање.
- На бадинковите поворки во Скопје, каде што ќе биде централната манифестација, како и во останатите градови, е најавено учество на 7.000 дечиња кои ќе ја сочинуваат и најголемата коледарска дружина во Македонија, но и во православниот свет, велат од Здружението за возобновување на православните традиции во Македонија „Бадникови поворки“, организатор на активностите за прославата на Бадник и Божик.
На поворките децата ќе ја пејат божиќната песна и ќе носат божиќни ѕвезди што ја симболизира ѕвездата која ги водела тројцата мудреци до местото каде што бил роден Исус.Ќе носат и специјално украсени пештери на кои е претставено Рождеството Христово. Ѕвездите и божиќните пештери ги изработуваа на работилници организирани за оваа намена каде и ја пееја божиќната песна.
Според најавата, во Скопје бадниковата поворка ќе почне од пред црквата „Пресвета Богородица“ од каде дечињата низ улиците во центарот со божиќната песна ќе го најават Христовото раѓање, по што ќе пристигнат во соборниот храм „Св. Климент Охридски“ каде ќе се приклучат на чествувањето на Бадник.
За годинашното издание на манифестацијата „Бадникови поворки“ е изработен видео спот за божиќната песна „Вечниот Бог“, во изведба на Елена Ристеска, Тамара Тодевска, Викторија Лоба, Влатко Лозановски, Даниел Кајмакоски, Димитар Андоновски, Некст тајм и Златните славејчиња, во продукција на „Веста“.
- Доживејте вистинска Божиќна радост, која ќе ве натера да извикате „Христос се роди“, порачуваат учесниците во спотот.
Бадникарски поворки првпат се одржаа лани во Скопје и во уште неколку градови, со цел да се возобнови древната традиција на правилно празнување на Бадник во духот на православното предание, наместо коледарските посети на домовите и пеење пагански песни.
Популарно од Македонија
Ново на Сител
-
МОН воведува нови стипендии - за втор и трет циклус на студии по македонски јазик
-
Субвенции за енергетска ефикасност: Граѓаните сè повеќе инвестираат во инвертер клими, а интересот за гас значително опаѓа
-
Велешанец пронајден мртов во помошна просторија од домот
-
Трамп: Негативна одлука на Врховниот суд во однос на царините би било закана за националната безбедност
-
Кавадарчанец со „мерцедес“ возел 96 километри на час на место каде ограничено е на четириесет
-
Ѓорѓиевски-Ле Риголер: Претставена визијата за долгорочен развој на Скопје, заснована на одржливи политики, европски стандарди
-
Клековски: Нема доцнење во исплатата на надоместокот за породилно отсуство и на капитациите за матични доктори
-
ВМРО ДПМНЕ и денеска негира дека Македонија ќе прифаќа мигранти од Велика Британија
