Македонија
12. December 2017 - 14:11

Детската болница „Козле“ доби десет прочистувачи на воздух

На Детската болница „Козле“ денеска и беа донирани 10 прочистувачи на воздух.

- Ваквите вложувања нѝ помагаат да го достигнеме посакуваното ниво на услови за престој на децата - пациенти во нашата здравствена установа. Оваа донација доаѓа во вистинско време, кога нивото на загадување на водухот е високо, што ѝ дава специфична тежина и значење. Поради тоа сите ние сме особено благодарни, изјави директорот на Детската болница „Козле“, Ангелчо Андоновски, при примопредавањето на донацијата.

Средствата за набавка на прочистувачи на воздух се обезбедени преку лични донации од членовите на граѓанското здружение „Ротари клуб Скопје – Интернационал“.