Детектор анкета: Граѓаните сметаат дека нема шанси да се вработите во јавниот сектор без партиска книшка
Речиси и нема шанси да се вработите во јавниот сектор без да имате партиска книшка. Ваков став имаат најголемиот дел од граѓаните во последното истражување на јавното мислење кое за Детектор го спроведе Институтот за политички истражувања Скопје.
Според него, 41,5% од анкетираните сметаат дека никогаш нема да може да се вработат во јавниот сектор без партиска книшка, а 21,8% сметаат дека тоа е малку веројатно. Мали шанси понекогаш тоа да се случи гледаат 15,2% од анкетираните додека само 7,2% сметаат дека воопшто не е потребна партиска книшка за работа во државна служба.
Помалку од една четвртина или 22,3% сметаат дека вработените во јавниот сектор професионално ги завршуваат своите обврски додека над половина од анкетираните или 55,1% се на ставот дека вработените се ангажирани главно за спроведување на партиските интереси.
Истражувањето на јавното мислење по нарачка на Детектор го спроведе Институтот за политички истражувања Скопје преку телефонска анкета во периодот од 10 до 13 февруари оваа година врз репрезентативен примерок од 1104 испитаници со маргина на грешка од плус-минус 3%.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација