Детали за убиството што го потресе Охрид, убиецот е во бегство
Полицијата покрена потрага по лицето што при обид за грабеж синоќа усмрти возрасна жена во Охрид.
Според информациите од СВР – Охрид, станува збор за извршител на кривично дело „разбојништво со последица смрт“, при што смртно била повредена 67-годишната „Спаса Б. од Охрид, која сама живеела во нејзиниот стан во зграда на улица „Галичица“ бр. 31 во Охрид.
Првичниот увид спроведен на местото на настанот покажува дека вчера во периодот меѓу 11:30 и 19:25 часот непознат сторител влегол во станот на жената, напаѓајќи ја со ладно оружје, најверојатно нож, притоа нанесувајќи и убодни рани во пределот на главата, вратот и телото, а потоа извршил пребарување низ собите. Потоа сторителот на делото незабележано го напуштил станот, притоа заклучувајќи ја влезната врата.
По наредба на Јавниот обвинител врз телото ќе биде извршена обдукција во Медицинскиот центар во Битола.
Инаку, жителите на улица „Галичица“ се вознемирени од настанот, притоа изјавувајќи дека ништо не забележале ниту слушнале, дека за случајот разбрале од медиумите.
Пред десеттина дена непознато лице се обиде да ја ограби и продавницата на ул „Галичица“ што се наоѓа во непосредна близина на синоќешното убиство.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација