Дескоска: Алијансата за Албанците и Беса даваат поддршка СЈО да биде посебен орган во рамки на ЈОРМ
Албанските опозициски партии Алијанса за Албанците и Беса на денешната средба во Собранието со премиерот Зоран Заев и министерката за правда Рената Дескоска изразиле поддршка за опстојување на СЈО како посебен орган во рамки на Јавното обвинителство кое ќе има ефикасни надлежности.
-Генерално од денешната средба е поддршката за СЈО како орган кој ќе има ефикасни надлежности и кој ќе биде посебно обвинителство што всушност е и дел од сегашниот закон. Во делот на начинот на користење на снимките како доказни средства ќе има дополнителни консултации, рече Дескоска по разговорите со Алијансата за Албанците и Беса одржани во насока на обезбедеување двотретинско мнозинство за законот за обвинителство.
На новинарско прашање таа рече дека ги разгледале амандманите што ги поднесе опозциската ВМРО-ДПМНЕ, а таргетираат три групи на прашања: статусот на СЈО, доказите и суските постапки кои во момнетов ги води СЈО и третата се различни прашања во рамки на законот.
-Сите пораки кои ги добиваме од ЕУ покажуваат дека СЈО треба да биде посебно обвинителство во системот на јавно обвинителство, значи не нивно претопување, се пораки кои ги слушаат и претстваниците на ВМРО-ДПМНЕ. Јас очекувам дека и покрај амандманите што денеска ќе ги разгледуваме на попладневната средба, ќе ги имаат предвид и укажувањата што денеска беа повторени и од страна на амбасадаорот на ЕУ, со цел да создадеме решение кое ќе добие позитивна оценка од Брисел, и ќе биде компатибилно со европските препораки. Носење на закон кој ќе задоволи било чии лични интереси не може да биде прифатен, рече министерката Дескоска.
Таа посочи дека во однос на користењето на материјали во законот е направено разликување на предметите кои се покренати во рокот од 18 месеци, а во другиот период аудио-снимките ќе се обработуваат и ќе се користат како докази и ќе се оди на суд.
Таа очекува согласно укажувањата на ЕУ, овој закон да биде донесен во најкус можен рок бидејќи се затвора извештајот на ЕК за нашата земја.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка