Делови од Карпош, Шуто Оризари и Илинден утре без струја

Корисниците од фирмата „Кварц Комерц“ на улицата „Македонско-косовска бригада“ во општина Шуто Оризари утре од 8:30 до 10 часот ќе останат без напојување со електрична енергија.

Од 8:30 до 14 часот, без струја ќе бидат и дел од корисниците од село Љубин, од 9 до 10:30 часот корисниците од улицата „Хелсинки“ во билизина на бр. 34, а од 9 до 14 часот  корисниците од улицата „Волгоградска“ со бр. 1, бр. 3 и бр. 4 во општина Карпош.

Во периодот од 9 до 15 часот, без напојување со електрична енергија ќе останат и корисниците од фирмата „Гранд Експорт“ во општина Илинден.

Како што информираат од Регионалниот центар за управување со кризи на град Скопје, причина за прекинот во снабдувањето со електрична енергија е изведувањето планирани технички зафати во дистрибутивната мрежа од страна на екипите на ЕВН Македонија АД.