Дефект на водоводна линија, без вода дел од Росоман и Кавадарци
Поради дефект на главната водоводна линија на потегот од Кавадарци кон Росоман, од утринава без вода за пиење се делови од двете општини.
Марјан Крстевски, техничар во организационата единица за водовод и канализација при кавадаречкото јавно претпријатие “Комуналец”, информираше дека се работи за дефект на линија фи 200.
- Во Кавадарци, без вода за пиење се жителите кои живеат кај новиот кружен тек во новиот центар на градот, но и оние на потегот кон Росоман, вклучувајќи ја тука и индустриската зона со неколку фабрики и други стопански објекти, појасни Крстевски.
Од росоманското комунално претпријатие соопштија дека како последица на дефектот, без вода за пиење се жителите од високата зона во Росоман и селото Манастирец, а селото Рибарци и жителите од ниската зона на Росоман, се соочуваат со намален притисок на водата во чешмите.
Како што нагласи Крстевски, на терен интензивно се работи на отстранување на дефектот и се очекува нормализирање на водоснабдувањето, некаде околу 13 часот.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња