Дебар шести ден без новозаразени од коронавирусот
Во Дебар денеска е шести ден како нема новодијагностицирани со Ковид-19, според податоците на Министерството за здравство.
Тоа значи дека бројката на заразени во оваа општина е 49, од нив двајца, кои беа и првозаразени, се од соседната општина Центар Жупа.
Од вкупната бројка, 16 се излекувани, 29 се на домашно лекување, а четворица починаа. Во моментов, како што потврдуваат од Оперативниот штаб, се чекаат резултати од тестираните 13 сомнителни случаи.
Во општините Дебар и Центар Жупа, каде на 13 март беше прогласена кризна состојба, поради опасниот вирус во домашна изолација се 79 лица или осум повеќе споредено со вчера.
Во двете општини, според Одделението за внатрешни работи од Дебар, десеттина дена не се забележани непочитувања на забраната за движење, не се регистрирани собирања на граѓани, нарушувања на јавниот ред и мир и сообраќајни незгоди.
Градоначалниците на двете општини, Хекуран Дука на Дебар и Аријан Ибраим на Центар Жупа, во континуитет апелираат до граѓаните на строго почитување на мерките и препораките, пред се да не се излегува без некоја неопходна потреба, да се одржува социјалната дистанца и да се избегнуваат домашни посети.
Продолжува да пристигнува хуманитарна помош од институции, организации, фирми и поединици која потоа се респределува на семејствата во социјален ризик, а снабдувањето на населението со прехранбени артикли и лекови се одвива непречено.
Градоначалникот на Дебар, Хекуран Дука информираше дека е упатено барање до Владата да информира каков ќе биде статусот на општините Дебар и Центар Жупа, по 11 април кога изминува
периодот на кризната состојба.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок