Де Лаурентис: Потрошив милиони а играат едни исти

Сопственикот на фудбалскиот клуб Наполи, Де Лаурентис беше разочаран од поразот на неговиот тим во Мадрид во мечот од ЛШ каде Наполи загуби со 3-1 и потоа ги критикуваше тренерот и фудбалерите.

- Само Инсиње покажа наполитански дух, се бореше додека останатите беа незабележителни на теренот. Беа маѓепсани или уплашени од големиот Реал кој не играше ништо посебно. Не сакам да навлегувам во одлуките на тренерот, можеби не се согласуваме но не ми паѓа на памет да го анализирам неговиот избор на играчи. Трошам многу пари а на крајот секогаш играат исти фудбалери. Не велам дека Милиќ требаше да стартува но би сакал да видам похрабри одлуки и експериментирање-изјави претседателот на Наполи кој се надева дека во реваншот неговиот тим ќе направи подвиг иако се плаши од реакциите на играчите.