Данска и Франција за ограничување на поскапувањето на енергенсите
Данската Влада денеска предложи привремено ограничување на цените на гасот, струјата и на парното за потрошувачите во текот на зимата, како мерка за спречување на поскапувањето на енергенсите. Франција исто така планира да го ограничи поскапувањето на струјата и на гасот на 15 отсто.
Данскиот предлог доаѓа во време кога земјите низ Европа се обидуваат да ја контролираат продлабочената енергетска криза, што им штети и на потрошувачите и на компаниите.
Според предлогот, домаќинствата и компаниите ќе можат да го одложат плаќањето на дел од сметката што надминува одреден ценовен праг, изјави данската премиерка Мете Фредериксен.
„Тоа значи дека секое поединечно семејство ќе може да одреди буџет и ќе се знае максималната цена што ќе треба да ја плати“, рече таа.
Мерката што се проценува да чини околу шест милијарди американски долари, мора да биде одобрена од Парламентот.
Франција пак најави дека за наредната година планира да го ограничи растот на цената на струјата и гасот на 15 отсто.
Премиерката Елизабет Борн рече дека максималното поскапување на гасот од 15 отсто ќе стапи на сила во јануари, додека покачувањето на цената на струјата од максимум 15 отсто ќе стапи на сила во февруари.
„Мерки ќе преземеме и на европско и национално ниво“, рече Борне.
Ново на Сител
-
Маж уценувал и барал пари од вработен во адвокатска канцеларија
-
Кривична за гостиварец кој го нападнал својот татко
-
ЕУ апелира на воздржување од провокативна реторика и активности по вчерашната пресуда за Додик
-
УХМР: Наместа повремено поројни врнежи утре и викендов
-
Мицкоски : Коцевски доби шанса, но освен внатрешни пресметки во обвинителството и браник на минатата власт друго не видовме
-
Кочински: Се очекува постепено намалување на активноста на вирусот на грип
-
Осум лица се уапсени по пронаоѓањето 31 дете во Брчко, во истрагата вклучен Европол
-
Мицкоски: Повикувам што повеќе Албанци во јавната администрација, но не се јавуваат за плата од 25.000 денари