Д-р Јовановска: Во четвртиот месец трудниците може безбедно да се вакцинираат против Ковид-19
Доктор Викторија Јовановска, директор на Клиниката за гинекологија и акушерство во денешното издание на емисијата Магазин истакна дека е препорачливо бремените жени да се вакцинираат.
- Бремените жени треба да бидат вакцинирани, само постоеше дилема околу тоа да се усогласиме на стручен колегиум заедно со нашето гинеколошко здружение, заедно со Комитетот за безбедно мајчинство, заедно со Перинатолошкото здружение, да ги усогласиме ставовите за да имаме унифициран став да не ги буниме трудниците, вели доц. д-р Викторија Јовановска во гостувањето во Магазин на Сител ТВ.
Таа додава дека најпогоден период за вакцинација на трудниците против Ковид-19 е во четвртиот месец од бременоста.
- Доколку не се вакцинирани, во тек на бременоста пациентките препорачливо е да бидат вакцинирани во 4 месец од бременоста, односно по 14 гестациска недела кога е започнува да се формира органогенезата, изјави д-р Јовановска..
Докторката вели дека нема препорака да се прекине бременоста доколку трудницата се вакцинирала во раната бременост, туку е доволно само следење на понатамошниот терк на бременоста.
- Останале бремени а биле вакцинирани во тек на рана бременост или кога планирале репродукција, значи нема препорака да се прекинува бременоста, туку напротив таа треба само да се следи и за 8 недели да се ревакцинира, додава д-р Јовановска.
Ново на Сител
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај
-
Полицајци спроведуваат политичка кампања, училиште претворено во штаб на ДУИ
-
Приведено уште едно лице за убиството на докторот во Железара
-
Вработените во здравството најавуваат протест на 8 април