ЦУК и Комората на РМ за приватно обезбедување потпишаа Меморандум за соработка
Директорот на Центарот за управување со кризи Агрон Буџаку и претседателот на Комората на Република Македонија за приватно обезбедување Верица Милевска Стефановска денеска потпишаа Меморандум за соработка.
Потписниците на Меморандумот, со кој се утврдува рамката во која се остварува соработката, соопштија од ЦУК, се согласија да воспостават меѓусебна соработка во функција на обезбедување стручна и научна експертиза, анализи, обуки и други форми на едукација, со цел да се обезбеди општа поддршка на дејноста приватно обезбедување во Република Македонија и зајакнување на капацитетите на вршителите на приватното обезбедување.
Со Меморандумот, како што се наведува, се предвидува соработката меѓу потписниците да се остварува преку размена на експертиза, искуства и знаења од заеднички интерес, соработка во изготвувања законски, подзаконски акти и други регулативи, соработка во изготвување стратегиски документи и други активности од заеднички интерес.
По повод потпишувањето на Меморандумот, а во рамки на предвидената соработка, во Центарот за управување со кризи се одржа научно- стручна дебата „Центарот за управување со кризи и приватниот безбедносен сектор во заштита на критичната инфраструктура – соработка и партнерство“.
Ново на Сител
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост
-
Грчки медиуми: Голема победа на опозициската ВМРО-ДПМНЕ