Црвен крст: За три дена дистрибуирани 5.500 пакети со храна
Во текот на изминатите три дена, тимовите на Црвениот крст на РМ дистрибуирале 5.500 пакети со храна (еден пакет е наменет за четири лица), 55 тони вода, 190 душеци, 356 кебиња, 210 килограми облека, соопштија од Црвениот крст.
Информираат дека се укажани и 36 асистенции по прва помош од страна на екипите на Црвениот крст, а во целата операција вклучени се 80 лица, волонтери и стручна служба на Црвениот крст, седум мобилни тимови за прва медицинска помош и активиран е целокупниот логистички потенцијал на Црвениот крст на РМ.
- Согласно информациите добиени од терен, Црвениот крст на РМ апелира да се донираат следниве артикли: конзервирана храна, бебешка храна и пелени, вода за пиење, средства за хигиена, средства за дезинфекција, лопати, гумени чизми, кофи, гумени ракавици и батериски лампи. Помошта може да се предаде во магацините на Црвениот крст на РМ во Момин Поток, Скопје од 8 до 18 часот (телефон за контакт: 3 096 227) и во ОУ „Наум Наумовски Борче”, се истакнува во соопштението на Црвениот крст.
Заинтересираните правни субјекти и граѓани дополнително можат да се вклучат и со обезбедување парична помош на жиро сметката на Фонд на солидарност 300000001327966 ДБ 4030984271620 – Комерцијална банка. На сметката до сега се собрани 5.151.486 денари, а од донирање по 100 денари со повик на 075/070/077 143 400 се собрани 7.910.000 денари со повик на телефоните.
Од Црвениот крст апелираат во активностите за донирање на хуманитарна помош да се следат инструкциите на надлежните институции и Црвениот крст на РМ, со цел поефектно справување со последиците од природната катастрофа.
Ново на Сител
-
Џакарта повеќе нема да биде главен град на Индонезија
-
Кралот на Маорите на Нов Зеланд сака на китовите да им даде основни човекови права
-
Светски берзи: Скок на цената на нафтата, пад на цената на златото и пченицата
-
Трет ден потрага по Данка, проверка на базните станици и телефоните на родителите
-
Хрватска: Наполитанки Кит Кат повлечени од пазарот
-
Две лица се приведени за убиството на лекарот во Железара
-
Се финализираат коалициите пред почетокот на кампањата за претседател следната недела
-
Во Собранието последна нова седница во овој парламентарен состав