Ципрас „најсиромашен“ во грчката Влада, неговите колеги со влогови од половина милион евра

Грчкиот премиер и лидер на владеачката левичарска партија СИРИЗА, Алексис Ципрас, според пријавените годишни приходи кај даночните влчасти е „најсиромашниот“ избран функционер во споредба со неговите колеги министри во Владата, од кои неколкумина имаат приходи од половина милион евра. 

Ова го покажуваат даночните пријави на министрите и политичарите за 2015 година, што денеска беа закачени на сајтот на грчкиот Парламент, за кој информираат весниците.

Иако политичарите пријавуваат дека приходите им се од пратеничките плати, некои од нив имаат и депозити од над половина милион евра и банкарски сметки во американски долари и британски фунти.

Ципрас пријавил приходи во износ од 69.000 евра, влогови за 7.000 евра, еден стан од 114 метри квадратни. и мотоцикл од 652 кубика.

Шефот на државата Прокопис Павлопулос има приходи од над 80.000 евра.

Лидерот на главната опозициска партија Нова демократија, Кириакос Мицотакис, пак,  пријавил приход од 81.600 евра, 19 недвижни имоти на островот Крит, влогови, акции и еден автомобил.

Приходите на лидерот на партијата Независни Грци и министер за одбрана, Панос Каменос, и неговата сопруга изнесуваат приближно 180. 000 евра. Тие поседуваат, исто така, и повеќе недвижни имоти.

„Најбогат“ меѓу политичарите  е лидерот на неонацистичката „Златна зора“, Никос Михалолиакос, кој заедно со сопругата пшријавлиле приходи од над половина милион евра, а „најсиромашен“е генералниот секретар на Комунистичката партија Димитрис Куцумбас.