Четири нови случаи со коронавирус денеска во Косово, вкупно 28 заразени
Институтот за јавно здравство на Косово (ИШПК) објави дека денеска во земјата се потврдени четири нови случаи на лица носители на коронавирусот, со што вкупниот број на заразени во земјата се искачи на 28, јави дописникот на МИА од Приштина.
Според соопштението на ИШПК, еден од денешните случаи, оној на 32-годишен маж од село во близина на Урошевац, е „увезен“ од Германија, додека останатите три се заразиле по контакти со лица кои веќе биле носители на вирусот. Станува збор за жени, од кои две од Приштина, на возраст од 50 и 29 години и една 40-годишничка од Ѓаковица.
ИШПК објави и дека, од 8 февруари заклучно со денешниот ден, во нивната лабораторија за молекуларна биологоја, со соодветните методи, се испитани примероците на вкупно 447 лица за кои постоело сомневање дека се заразени со Ковид-19, од кои 28 резултирале позитивни.
Косовските здравствени власти денеска донесоа нови мерки за заштита од епидемијата на смртоносниот вирус, меѓу кои и забрана на посетата на излетничкиот центар Грмија во близина на Приштина и на главниот парк во градот. Освен тоа, на угостителските објекти им е забрането да служат кафе и други топли пијалоци за носење со себе, односно таканаречниот „тејк авеј“, кој досега беше дозволен и покрај претходниот налог за затворање на угостителските објекти.
Премиерот Албин Курти и министерот за здравство Арбен Витиа на прес конференција попладнево предупредија дека наредната недела се очекува да биде критична во поглед на ширењето на заразата и апелираа, посебно кај младата популација, максимално да ги почитуваат препораките на здравстгвените власти и да го ограничат излегувањето од дома и собирањето во групи.
Ново на Сител
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица
-
Вработените во културните институции преку протести си ја бараат изработената плата и покачувањето кое им следува