Честитка од пратеничката група на ВМРО-ДПМНЕ по повод Денот на независноста
Пратениците на ВМРО-ДПМНЕ и коалицијата „За подобра Македонија“ денеска упатија честитка до граѓаните по повод Денот на независноста на Македонија.
- 8-ми Септември 1991 година е денот кога граѓаните на Република Македонија покажаа одлучност и храброст и ја остварија големата и повеќевековна идеја и аманет на нашите предци, а тоа е сите ние да живееме во своја слободна, суверена и независна држава, се вели во честитката.
Притоа се додава дека сите овие години на независност, Република Македонија се соочувала со бројни предизвици, премрежја и искушенија, со негативни и позитивни процеси од кои сите сме извлекле поука и сме излегле посилни.
- Покажавме дека со заедничка волја, обединети и сложни сме посилни и може да постигнеме многу, но покажавме и дека заедничката иднина и просперитет е многу поважен од поделбите и несогласувањата. Затоа, нека овој голем ден за Република Македонија и сите граѓани ни даде сила и верба да продолжиме заедно да се бориме со сите предизвици кои што ќе застанат на патот на нашата држава бидејќи само на тој начин ќе ја зачуваме, одржуваме и продолжиме големата идеја за силна, слободна, суверена и независна Македонија, стои во честитката.
Ново на Сител
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка
-
Тепачка на паркинг во Скопје
-
19-годишник повреден на работно место
-
Локализиран пожар во туристичката населба Абланица во Берово
-
Палестинската управа формира нова влада
-
Руски воени бродови впловија во Црвено Море