Честитка од Божиновска по повод Богојавление - Водици
Директорот на Комисијата за односи со верски заедници и религиозни групи, Валентина Божиновска по повод големиот христијански празник Богојавление - Водици упати честитка до архиепископот охридски и македонски г.г. Стефан и до членовите на Светиот Архиерејски Синод на Македонската Православна Црква-Охридска Архиепископија.
- Празнувајќи го денот на Христовото крштевање ја празнуваме светата тајна на духовното раѓање и единство со нашата вера. Тоа е настан што нè поттикнува да се пронајдеме во верата, да го сочуваме и продолжиме христијанското учење за покајанието и прочистувањето, за љубовта, трпението и милосрдието. На овој голем богојавленски празник, да празнуваме и да се радуваме на денот кога со осветувањето на водите и објавата на Божјиот лик помеѓу луѓето се осветли човековиот живот, со желба покрстената вода да ни даде нова сила за нови големи дела и успеси. Радувајќи се на Христовото крштевање, осветувајќи ги македонските води, да си посакаме подобра иднина, здравје, а објавата на божјиот лик да нè зближи уште повеќе како народ во верата и среќата кои произлегуваат од големината на овој ден. Нека ни е честит и вековит, големиот христијански празник- Богојавление - Водици, стои во честитката.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка