Чешка повторно испрати полициски контингент во Македонија
Четириесет чешки полицајци во Македонија ќе бидат распоредени на зелената граница со Грција, заради миграциската криза, јави дописникот на МИА од Прага.
Како што информираше Петр Петрик, заменик на директорот на чешката полиција, ова е третпат да се испраќаат полицајци, а последниот контингент бил испратен пред еден и пол месец. Тие имаат задача заедно со македонските колеги да контролираат во околината на Гевгелија, близу грчката граница.
- Притисокот на нелегалниот премин на границата е намален, но тоа не значи дека се уште не постои кризата, изјави амбасадорот на Република Македонија во Чешка Паскал Стојчески.
Според Стојчески, потребно е границата внимателно да се надгледува. Тој додаде дека поради миграциската криза, Македонија покрај од Чешка е поддржана и од други земји како Словачка, Унгарија, Словенија, Хрватска и Србија.
- Помошта од Чешка, со испраќањето на полициски контингенти беше во екот на најкритичната фаза на бегалската криза и од наша страна сме задоволни од соработката со чешката полиција, истакна македонскиот амбасадор.
На грчката страна до неодамна постоеше најголем провизорен пограничен камп Идомени, каде во лоши хигиенски услови живееја илијадници луѓе. Грција кампот го тргна минатиот месец.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми