-->
-->
Червар: Публиката е заслужна за нашата победа против Горење
-->
Ракометарите на Металург со победа над Горење 28-26 го зокружија својот настап на домашен терен. Тренертот на Металург и македонски селектор, Лино Червар смета дека покрај борбеноста која ја прикажаа неговите избраници во второто полувреме, голема заслуга за победата имаат и навивачите на тимот од Автокоманда.
- Горење во поголемиот дел од средбата имаше предност.Знаев дека во второто полувреме без поголемо залагање не ќе можеме да направиме пресврт. Одигравме поконцентрирано и поборбено, па тоа стана решавачко за пресвртот. На крајот, кога успеавме да го свртиме мечот во наша полза, покажавме дисциплина и покажавме дека мечот никогаш не беше готов. Голема заслуга за нашата победа има публиката. Драго ми е што на домашен терен ја завршивме СЕХА лигата со победа. Тоа е сигурно убава работа. Наше е да продолжиме да се бориме и на последните два меча, изјави Червар по натпреварот.
И младиот голман на Металург, Мартин Томовски не го криеше задоволството од победата во последниот меч пред домашната публика.
- Желбата за победа беше поголема кај нас. На почетокот отворивме лошо, но во вториот дел се стабилизиравме. Се играше гол за гол, за крајот ние да се радувавме. Мило ми е што е така, затоа што ова беше последен дуел од СЕХА-лигата на домашен терен за нас во оваа сезона, изјави Мартин Томовски.
На металург му преостануваат уште два натпревари во СЕХА конкуренцијата и тоа на гостински терен против Извиѓач на 28 фвруари и Нексе на 7 март.
-->
-->
-->
Ново на Сител
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите
-
Во високообразовните установи работат 4 656 наставници и соработници
-
Светски ден на црниот дроб: Чувајте го, неговата улога е витална
-
Кривична пријава против двајца скопјани за кражба на сеф од маркет
-
Флекс Кредит доби награда за најдобрa ,,Employer branding – кампања за 2023 година’’
-
Флекс Кредит доби награда за најдобарa ,,Employer branding – кампања за 2023 година’’.
-
Г-7 одлучни да ја засилат ПВО на Украина