Будимпешта се откажа од кандидатура за ЛОИ 2024
Унгарскиот главен град Будимпешта се повлече од трката за домаќин за Олимписките игри 2024 година, соопшти во среда унгарската влада.
Будимпешта, Лос Анџелес и Париз беа единствени кандидати за домаќини на ОИ 2024 година, а сега во септември Меѓународниот олимписки комитет ќе решава меѓу француската престолнина и калифорнискиот велеград.
Одлуката за повлекување на кандидатурата на Будимпешта ја донеле унгарскиот премиер Виктор Орбан, градоначалникот Иштван Тарлос и претставници на Унгарскиот олимписки комитет, кои итно се состанале по веста дека противниците на кандидатурата собрале преку 250.000 потписи, што е повеќе од доволно за референдум.
На Будимпешта и се даваа најмалку шанси за победа, не само заради негодувањето на јавноста, туку и заради фактот дека Унгарците би морале да изградат повеќе од половина од спортските објекти.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење