Свет
1. December 2019 - 15:00

Бројот на жртви во автобуска несреќа во Русија се зголеми на 19

Бројот на загинати во автобуската несреќа во Далечниот исток на Русија се искачи на 19, а 22 лица се повредени, соопшти руското Министерство за вонредни ситуации.

Меѓу загинатите има и две деца.

Несреќата се случи во регионот Трансбајкал кога автобус од мостот паднал во река.

Според портпаролот на Министерството, 14 повредени патници се хоспитализирани, а тројца се во сериозна состојба. Во несреќата загинал и возачот на автобусот.

Во автобусот имало вкупно 43 лица. Несреќата се случила откако пукнала гума по што возачот загубил контрола врз автобусот, изјави портпарол на локалната сообраќајна полиција.