Бројот на загинати во свлечиштето во Индонезија се зголеми на 19, има многу исчезнати под калта
Бројот на загинати во двете свлечишта на земјиште во покраината Западна Јава во Индонезија се зголеми на 19, а многумина се уште се водат за исчезнати, соопшти денеска националната Агенција за катастрофи, пренесе ДПА.
-Најмалку 18 лица се повредени и 150 се спасени во свлечиштата предизвикани од силниот дожд што во саботата ја зафати областа Сумеданг, изјави портпаролот на Националната агенција за управување со катастрофи Радитаја Јати.
Во првото свлечиште на земјиштето загинаа осум лица, но во вториот удар, откако пристигнаа првите спасувачи во несреќата, загинаа уште 11 лица, спасувачи, локален полициски началник и шефот на локалната цивилна заштита, додаде Радитаја.
-Според информациите од локалните власти, многу луѓе се уште се закопани под калта, изјави тој, но не даде проценка за колкав број луѓе станува збор, пренесе ДПА.
Поплавите и свлечиштата се редовна појава во Индонезија за време на сезоната на дождови, што трае од октомври до март, додаде германската агенција.
Ново на Сител
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено