Бројот на турски мигранти во Германија годинава зголемен за три пати
Податоците на германските власти покажуваат дека бројот на турски државјани кои во текот на оваа година добиле статус на азиланти во Германија, е тројно поголем од лани, објави магазинот „Шпигел“.
Според овие податоци, во текот на 2015 година, во Германија азил побарале околу 1.800 државјани на Турција, додека во периодот јануари-ноември 2016, барања за азилантски статус поднеле над 5.200 турски граѓани.
Од вкупната бројка на турски азиланти во Германија, над 4.000 се по националност Курди, што се толкува како последица на интензивирањето на судирите меѓу турските сили и припадниците на Курдската работничка партија (ПКК) и на засилените притисоци од страна на властите врз избраните курдски претставници.
Германските експерти проценуваат дека ваквото драстично зголемување на бројот на Турци кои бараат азил во Германија се должи и на мерките што ги презедоа турските власти против своите противници по неуспешниот обид за воен преврат во јули годинава.
Тие оценуваат дека во овој момент Турција во никој случај не може да се смета за безбедна земја, бидејќи покрај репресивните мерки што ги преземаат властите, во неа престојуваат и околу три милиони бегалци од Сирија.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање