Брод тоне во Јадранско море
Во јадранскиот архипелаг Јабука изутрината се случила несреќа на турски товарен брод откако вода продрила во потпалубата.
Според последните информации, дел од посадата е евакуирана, нема повредени и не забележано загадување на морето.
Хрватското Министерство за море соопшти дека во координацијата меѓу хрватската и италијанската страна преземена е акција за спасување во која евакуирани се осуммина членови на посадата.
Капетанот на турскиот брод одлучил да остане заедно со четворица членови, колку што е можно повеќе, во обид да го спасат бродот.
Бродот е долг 85 метри со 13 членови на посадата, од кои 11 се државјани на Турција и двајца на Индија, и плови под знаме на Турција.
Бродот се наоѓа на 52 километри од островот Вис, во подрачје кое излегува од хрватското територијално море.
Во соопштението се истакнува дека на позицијата моментно не е воочено загадување на морето, но се додава дека Управата за сигурност на пловидба мора да ги помине сите протоколи со цел спречување и санирање на евентуално загадување, со оглед на тоа што турскиот брод пренесува 3.000 метрични тони синтер магнезит, а во бродскиот магазин има околу 70 тони погонско гориво.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка