Британците годишно разменуваат 10.000 СМС-пораки во истата куќа
Британец просечно испраќа околу 10.000 СМС-пораки годишно на членовите на неговото семејство оддалечени една или две соба, поради мрзеливост или избегнување на конфликт, покажа истражувањето објавено вчера.
„Можеш ли да го исклучиш телевизорот?", „Што има за вечера?" или „Доаѓаш ли во кревет?", се некои од најчестите пораки, покажа интернет анкетата спроведена во декември на две илјади британски семејства преку фирмата „Broadbandchoices“.
Најодговорни за таквите пораки се мајките кои секојдневно испраќаат барања како „исклучи го светлото" или наредба да „легнат на спиење", велат од компанијата.
За 16 проценти од испитаниците испраќањето пораки е единствениот начин да ги послушаат децата, а ако почнат да зборуваат лице во лице, тоа ќе заврши со расправија. Еден од четворица испитаници сметаат дека комуникацијата со пораките е „забавна".
-Мобилните телефони денес се дел од нас, па затоа не е за изненадување да гледате луѓе кои испраќаат пораки во истата куќа, вели Викс Лејтон, стручно лице за потрошувачки прашања во „Broadbandchoices“. Таа ја објаснува оваа појава со „мрзеливост" или потреба да „зборува за чувствителни теми".
Меѓу трите најчести такви пораки се романтичните: „Те сакам", прагматичните „Ручек е готов" и типично британски „Дали сакаш да ми донесеш чај?".
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари