Бошњаковски: Историски момент за двете земји, за Балканот, но и за Европа
Ова е историски момент не само за двете земји, ова е историски момент и за целиот регион, за Балканот, за Западен Балкан, но и за Европа, вели владиниот портпарол Миле Бошњаковски за грчката новинска агенција АНА-МПА.
- Важно е што гледаме дека прогресивните политички сили во двете земји го решаваат проблемот што 25 години го држеше назад целиот регион. На прагот сме да го решиме и верувам дека сѐ ќе се одвива нормално во имплементирањето на договореното до крајот на декември, вели Бошњаковски во пресрет на денешното потпишување на договорот во Преспа, меѓу Македонија и Грција.
Како што јави дописничката на МИА од Атина, на прашањето дали од денес започнува нов ден, владиниот портпарол вели дека со почетокот на преговорите почнаа нови денови.
- Многу малку луѓе веруваа во преговорите како што веруваа премиерот Ципрас и премиерот Заев. Покажаа силна волја и посветеност за напредокот во преговорите, кога многу малку луѓе и во двете земји беа оптимисти дека ќе постои решение. Сега имаме договор што секако е компромис и веројатно не е прифатлив за сите во двете земји, но е целосно прифатен од прогресивните демократските сили кои во моментов го водат Балканот кон економски напредок, вели Бошњаковски.
Ново на Сител
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени