Борис Џонсон: Британија може да ја напушти ЕУ и без договор
Шефот на британската дипломатија Борис Џонсон денеска изјави дека „би било сосем в ред“ доколку Велика Британија ја напушти ЕУ и без да биде постигнат договор со Брисел околу Брегзитот.
- Не би претствувало апокалипса доколку британската премиерка Тереза Меј ги напушти преговорите за излез на Велика Британија со празни раце, бидејќи британската економија ќе продолжи да напредува, оцени Џонсон за телевизијата „Престон“
Џонсон сепак изрази надеж дека постојат шанси за постигнување „многу добар договор“ за Брегизт до крајот на преговарачкиот процес во 2019 година.
Како што јави „Телеграф“, ваквото тврдење на Џонсон дека е можен Брегзит и без договор со Брисел, поранешниот британски министер лорд Мајк Хезелтајн го оцени како „глупост“, додека претставник на Британската индустриска комора изјави дека истапувањето на Велика Британија од ЕУ без договор „би било многу лошо за бизнисот“.
Британскиот министер за трговија Лајам Фокс пак оцени дека „нема да дојде крај на светот“ ако не биде постигнат договор меѓу Лондон и Брисел за Брегзитот, но додаде дека сепак тоа би било лошо не само за Велика Британија, туку и за цела Европа.
Ново на Сител
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората
-
Нови 46 случаи на голема кашлица од 12 до 18 април, хоспитализирани девет лица
-
ЕУ повикува сите актери на Блискиот Исток да работат на деескалација на тензиите