Свет
22. March 2016 - 12:30

Билансот на жртвите во нападите во Брисел се зголеми на 26 лица

Бројот на жртвите од денешнти симултани терористички напади во Брисел се зголеми на 26 лица, информира белгиската новинаска агенција Белга.

Официјалниот биланс на жртвите од бомбашкиот напад во возот на станицата на подземната железница Малбек во Брисел, од 10 се зголеми на 15 лица, додека официјалниот број на загинати при двојната експлозија на Националниот аеродром „Завентем“ е 11, а не 13 луѓе.

Бројот на повредени во метрото изнесува 55 лица, од кои десетмина потешко, додека официјално 35 лица се ранети во нападот на аеродромот.

Она што е засега официјално потврдено е дека дефинитивно извршител на нападот на аеродромот, што се случи во осум часот утринава, е бомбаш-самоубиец, кој претходно пукал од автоматска пушка и извикувал зборови на арапски јазик.

Националнито совет за безбедност на Белгија во моментов заседава, по што е најавена прес-конференција на премиерот Шарл Мишел.