Биган за Северна Кореја: САД имаат цел, а не рок
Специјалниот американски претставник за Северна Кореја, Стивен Биган изјави дека Вашингтон нема да го прифати ултиматумот на Пјонгјанг до крајот на годината да се направат отстапки за прекинатите нуклеарни преговори.
Тој од Сеул ја повика Северна Кореја веднаш да се врати на преговарачката маса.
– За оваа прашање сакам да бидам целосно јасен, САД имаат цел, а не рок, посочи Биган.
Северна Кореја им даде рок до крајот на годината САД да предложи нов договор за денукларизација, со кој значително би се ублажиле санкциите. Претходно, Пјонгјанг наведе дека ако Вашингтон не го исполнат рокот би можеле да очекуваат „божиќен подарок“.
Биган таквите најави од Северна Кореја ги оцени како „непријателски, негативни и непотребни“. Тој додаде дека САД се свесни оти можно е Северна Кореја да изврши поголема провокација претстојните денови, а таква акција би била непродуктивна за постигнување на траен мир на Корејскиот Полуостров.
– Да се обратам директно на нашите пандани во Северна Кореја, време е да ја работиме нашата работа. Ајде да го завршиме тоа. Ние сме овде и знаете како да не контактирате, истакна Биган.
Претходно, американскиот претседател Доналд Трамп изјави дека нема да ги укине санкциите додека Северна Кореја целосно не се откаже од својата нуклеарна програма. А, Северна Кореја возврати дека доколку САД не дадат прифатлива понуда, Пјонгјанг ќе најде „нов пат“.
Последните месеци Северна Кореја изврши повеќе тестирања на ракети со краток дострел и друго оружје.
Експертите оценуваат дека Северна Кореја би можела да лансира ракета со сателит или интерконтинентална балистичка ракета ако САД не го испочитуваат дадениот рок, до крајот на годината.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација