-->
-->
Без Трајковски против Бугарија
-->
Македонската најдобра репрезентација после поразот со 1-0 од Словенија се соочува со дополнителни проблеми со повредени играчи во пресрет на вториот контролен натпревар против Бугарија следниот вторник во Скопје.
После заеднички договор помеѓу селекторот на Македонија и стручниот штаб на Палермо, одлучено е предвреме во својот клуб да се врати Александар Трајковски, што значи дека нема да настапи во вторник. Освен него, под знак прашалник за настап се и Пандев, Тричковски и Жута. Горан Пандев беше заменет на полувремето поради добиен удар во главата, поради што е поштеден од денешниот тренинг. Иван Тричковски има контузија на градниот кош, а Леонард Жута дисторзија на скочниот зглоб. За сите тројца во наредните денови ќе се донесе одлука дали ќе бидат достапни за натпреварот против Бугарија. Стручниот штаб на националниот тим дополнително ќе реши дали ќе повика некој друг фудбалер.
Македонија денеска имаше тренинг во Словенија, а попладне националниот тим се враќа во Македонија, каде што ќе се подготвува до мечот со бугарите.
Натпреварот Македонија-Бугарија се игра во вторник, 29.март.2016 на националната aрена “Филип Втори” во Скопје, со почеток од 19:00 часот.
-->
-->
-->
Ново на Сител
-
УЈП: Се продолжува рокот за поднесување на ДДВ-04 пријавите до 26 април 2024 година
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела