Беи Дао прогласен за почесен член на ДПМ
Кинескиот поет Беи Дао, 50-ти јубилеен лауреат на „Златниот венец“ на Струшките вечери на поезијата, денеска во Друштвото на писателите на Македонија беше прогласен за почесен член на писателската асоцијација.
Одлуката ја соопшти претседателот на Друштвото на писателите на Македонија (ДПМ) Веле Смилевски.
- Ви благодариме поете Беи Дао бидејќи вие на посреден начин ги бришете условните граници меѓу големите и малите литератури и култури, ставајќи го акцентот на спецификите и вредностите на секоја од нив. Вашите подадени раце се раце на разбирање, на дијалог, на соработка, на меѓусебно запознавање и зближување. Македонските писатели заедно со творците од сите меридијани се вклучени во таа мисија во која вие дадовте свој импулс во престолнината на светската поезија во градот на Миладиновци, во Струга, рече Смилевски.
Тој на Беи Дао му го подари Зборникот на писателската асоцијација „Македонски писатели“, објавен на македонски и англиски јазик, како и најновиот број на книжевната ревија „Стожер“, исто така издание на ДПМ, на чии страници е објавена поезија од годинашниот лауреат на СВП.
Лауреатот Беи Дао прочита неколку стихови од својата поезија и истакна дека не се смета за особено важен меѓу останатите лауреати. Ја нагласи потребата од основање поетска традиција која, како што рече, би овозможила поезијата дополнително да се развива во иднина. Според него, поезијата ќе опстане покрај се.
Директорот на СВП Мите Стефоски се осврна на творештвото на годинашниот лауреат и потенцира дека тој е еден од најзначајните претставници на својата генерација кои, како што рече, направија своевидна револуција во кинескиот поетски јазик.
- Направија исчекор од класичната традиција кон една модерна состојба на поетскиот јазик. Нивното творештво во светски рамки доживеа една широка рецепција и прифаќање, рече Стефоски.
Додаде дека Беи Дао и неговата генерација поети, припадници на т.н. загодачна школа добија светски награди со што, како што рече, на некој начин беше валоризиран творечкиот подвиг во светски рамки.
Ново на Сител
-
Стано: Косово мора да ја формира Заедницата на српски општини, во спротивно ќе има последици
-
Руси поставија светски рекорд со скок со падобран | ВИДЕО
-
В недела евакуација на жителите на Ниш поради неутрализирање бомба останата од бомбардирањето на НАТО
-
Продолжува периодот на променливо облачно време со повремени локални врнежи од дожд
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон