Баша: Рама најкорумпиран премиер на Балканот
Лидерот на најголемата албанска опозициска сила, Демократската партија, Љуљзим Баша денеска сподели видео-порака во која наведува дека сите „меѓународни извештаи укажуваат на Еди Рама како најкорумпиран премиер на Балканот“.
Баша го обвинува својот опонент дека ја ограбува Албанија со банда олигарси, како и за перење пари од дрога и криминал.
-Сите меѓународни извештаи го вперија прстот кон Еди Рама како најкорумпиран премиер на Балканот. Тој ја ограбува Албанија со една банда олигарси и пере пари од дрога и криминал. За да ја заштити својата банда, Рама ги протера странските инвеститори и ги замени со своите клиенти,наведува Баша.
Во исто време обвинува дека за шест години на владеењето на Рама нема ниту една директна странска инвестиција.
-Ниту една странска инвестиција не донесе психичкиот крадец во Албанија за 6 години. Албанија и Северна Кореја се единствените земји на планетата без нови странски инвестиции во последните 6 години.Без странски инвестиции нема економски развој, нема нови работни места, нема просперитет,посочува тој.
Странските инвестиции, нагласува Баша, се задолжителни за секоја земја.
– Рама оди си. Албанија како Европа, ја завршува Баша видео пораката.
Баша претходно најави дека обединетата албанска опозиција во септември ќе продолжи со националните протести,додавајќи дека обрачот околу премиерот Еди Рама се стеснува и оти „времето да се поднесе сметка се приближува“.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово