Барањата на Британци и Северноирци за ирски пасош зголемени за 68 отсто
Барањата на Британци и на Северноирци, за добивање пасош на Репулика Ирска, во првите три месеци годинава се зголемени за 68 отсто, во споредба со истиот период минатата година, соопшти Министерството за надворешни работи во Даблин.
Минатата година, се смета како рекордна по бројот на апликации за ирски пасош и тој процес продолжува и годинава, со зголемено темпо.
Во соопштението на Министерството не се објаснува која е причината за зголемениот интерес, затоа што во молбите не се бара да се објасни мотивот за поднесената апликација.
Интензивирањето на интересот за поседување ирски пасош е заблежливо веднаш по британскиот референдум за ЕУ и изгласаниот Брегзит, што наведува на заклучокот дека британското напуштање на Унијата, предизвика пасошот на соседна Ирска наеднаш да стане многу популарен и посакуван.
Ирска е членка на ЕУ и сите натурализирани Ирци кои досега имале британски пасоши и по повлекувањето на Британија од Унијата ќе може да патуваат и да работат слободно и без ограничување во сите 27 земји-членки.
Меѓу апликантите, многу повеќе има од Британија, отколку од Северна Ирска.
Во периодот јануари-март годинава, биле поднесени 28 илјади барања за ирски пасоши, од кои 23 илјади се од Британци.
Лицата, чии родители или баба и дедо се родени во Ирска можат да поднесат барање за ирски пасош.
Ново на Сител
-
Сообраќајот тековно, по наместа влажни коловози
-
Променливо облачно со повремен дожд
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме