Бајден одговори на Трамп за обвинувањата околу Украина
Поранешниот потпретседател на САД, Џо Бајден, кој е во трка за номинација претседателски кандидат од демократите, одговори на обвинувањата на претседателот Доналд Трамп за релациите на членови од неговото семејство со Украина.
-Не заминувам никаде. Нема да ме уништи ниту мене ниту моето семејство. Трамп знае дека нема вистина во овие обвинувања. Секоја независна медиумска организација што продлабочено ги разгледала обвинувањата, укажа дека сето тоа е чиста лага, изјави Бајден на митинг во Невада.
Тој истакна дека неговиот ангажман во Украина бил едниствено во полза на борбата против корупцијата во таа земја.
Во меѓувреме покрај повикот до Украина, Трамп истакна дека и Кина треба да започне истрага за Хантер, синот на Бајден, во таа земја.
Демократите укажуваат дека ова е уште еден доказ за засилување на истрагата за импичмент на Трамп.
-Со повикот до Кина, земја које е главен стратешки противник на САД, да истражува за наш поранешен ценет потпретседател, Трамп покажува целосна некомпетенност. Тоа е незаконски и неморално, изјави Николас Барнс, поранешен амбасадор на САД во НАТО.
Повикот на Трамп дo Кина да истражува за Бајден од кампањата на поранешниот потпретседател оценија дека е сличен со неговата позната покана до Русија да ги најде електронските пораки на Хилари Клинтон.
– Грд избор меѓу лагата и вистината, меѓу себе и својата земја, изјавија од кампањата на Бајден.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто