Бајден го предупреди палестинскиот претседател Абас да го запре ракетирањето
Американскиот претседател Џо Бајден изрази голема загриженост до израелскиот премиер Бенјамин Нетанјаху во врска со ескалацијата на насилството, потврдувајќи го „правото на Израел да се брани од нападите на Хамас”, истовремено предупредувајќи го палестинскиот претседател Махмуд Абас да престане да го ракетира Израел.
Бајден исто така рече дека е загрижен за безбедноста на новинарите откако зградата во која се наоѓа канцеларијата на американската новинска агенција АП во Газа беше урната во израелски напад, се вели во соопштението на Белата куќа.
„Претседателот изрази силна поддршка за правото на Израел да се брани од ракетни напади на Хамас и други терористички групи во Газа” и „ги осуди овие неселективни напади врз градовите во Израел”, се вели во соопштението.
Тој, исто така, изрази „голема загриженост во однос на насилството меѓу заедниците во Израел”, додавајќи дека „оваа сегашна фаза на конфликтот трагично ги чинеше животите на израелски и палестински цивили, вклучително и деца”.
Бајден разговараше и со Абас, првпат по стапувањето на должноста претседател на САД и му порача дека Хамас мора да ги запре ракетните напади врз Израел.
Тој истакна „силна поддршка за решение според моделот – две држави со кое ќе се стави крај на израелско-палестинскиот конфликт”, соопшти Белата куќа.
САД го сметаат Хамас за терористичка организација.
Од своја страна, Абас го обвини Израел за воени злосторства и етничко чистење.
– Израелските окупатори прават воени злосторства и етничко чистење против Палестинците во Ерусалим, рече Абас. Тој исто така ги повика сите Палестинци да се обединат и да му се одмаздат на Израел.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово