Бајден го поздрави договорот со ЕУ за трговскиот спор меѓу „Боинг“ и „Ербас“
Американскиот претседател Џо Бајден денеска го поздрави „големиот напредок“ во трговскиот спор меѓу „Боинг“ и „Ербас“ и договорот со Европската унија за борбата против кинеските „непазарни“ практики.
Договорот со Европската унија беше објавен по денешните преговори во Брисел.
-САД и Европската унија се согласија да ги суспендираат тарифите за пет години и ние сме посветени на обезбедувањето еднакви услови за нашите компании и за нашите работници, рече Бајден.
„Значајно е, додаде тој, што се согласивме, исто така, да работиме заедно за да се спротивставиме и да се бориме против кинеските непазарни практики, во овој сектор што им дава на кинеските компании нефер предност“.
Бајден кажа дека САД и ЕУ ќе работат заедно на специфични начини, вклучително и домашни и странски инвестиции и трансфер на технологија.
-Тоа е модел што можеме да го градиме за другите предизвици на кинескиот економски модел, рече тој.
Американскиот претседател, исто така, денеска истакна дека „вредностите, како што се конкурентноста и транспарентноста“, што ги споделуваат САД и ЕУ, сите демократиите ги направија посилни.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка