Автопатот Скопје -Тетово блокиран кај Групчин

Сообраќајот на автопатот Скопје - Тетово од 10:00 часот е блокиран во двата правца поради собир на граѓани кај Групчин.

АСММ информира дека сообраќајот се пренасочува по регионалниот пат.

На сите други државни патишта сообраќајот се одвива без забрани, по наместа влажни коловози.

Интензитетот на сообраќај надвор од градските средини е умерен, а на граничните премини нема подолги задржувања за влез и за излез од државата. 

АМСМ препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно низ клисурите, каде постои можност за појава на одрони кои наместа може да го попречат движењето на возачите.