Австриските десничарски партии постигнаа договор за коалиција
Австриските десничарски партии ОВП (Народната партија) и ФПО (Партијата на слободата) денеска соопштија дека постигнале договор за формирање на идната Влада.
Лидерот на ОВП Себастијан Курц, кој убедливо победи на неодамнешните избори, ќе биде именуван за канцелар и со 31 година ќе биде најмлад претседател на влада во Европа. Ханс Кристијан Штрахе од партија ФПО ќе биде вице-канцелар. Главни задачи на коалицијата ќе бидат да се намалат даноците и бирократските пречки за бизнисот, да се засили директната демократија и дополнително да се намали приливот на мигранти, соопшти германската новинска агенција ДПА. Владата ќе ја скрати социјалната помош за мигрантите и ќе воведе одделни училишни одделенија за децата на мигранти кои не зборуваат германски. Прашањето на миграцијата беше една од главните теми на изборите на кои победата на Курц му овозможи да ја раскине долготрајната широка коалиција со социјал-демократите.
Се уште не е најавен целосниот состав на Владата. ФПО бараше да ги добие ресорите за внатрешни и надворешни работи, номинирајќи го експертот за блискоисточни прашања Карин Кнеисл за шеф на дипломатјата.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово