Австриски инфектолог: Порано или подоцна сите ќе „фатиме“ коронавирус
Порано или подоцна сите ќе се заразиме со новиот коронавирус, предупредува австрискиот инфектолог Франц Алербергер, дополнувајќи дека не верува оти вирусот ќе биде искоренет во следните неколку години.
– Овој вирус ќе ни остане. Секој од нас, порано или подоцна ќе има коронавирус, освен ако пред тоа не умре, вели директорот на Одделот за јавно здравје на Агенцијата за здравство и безбедност на храна. Алербергер вели дека мора да научиме да живееме со короната во следните месеци, ако не и години.
Тој како добра страна посочува дека смртноста не е толку висока како што се сметаше пред 10 месеци, кога мислеле дека изнесува 30 отсто. Алербергер се повика на студија на универзитетот Станфорд, според кој смртноста е 0,23 отсто, потенцирајќи дека треба да се заштита повозрасните, бидејќи меѓу нив смртноста е поголема.
Во изјавата за австриското радио „Ое3“ инфектологот рече дека не очекува лек против вирусот, бидејќи лекови против вирус „можат да се избројат на една рака“, а широко достапна вакцина може да се очекува најрано во јули следната година.
Според инфектологот, добрата вест е што новите студиии укажуваат дека за да се постигне колективен имунитет, т.н. „имунитет на стадо“ не е потребно да се зарази 70 до 80 отсто од населението. – Податоците од Бергамо или Вухан, на пример, покажуваат дека стапка на зараза од 42 проценти може да значи дека луѓето повеќе не се заразуваат меѓусебе. Истражувањето на оваа тема е во тек и доколку се покаже точно, тоа ќе значи побрзо олабавување од што претходно сметавме, рече австрискиот инфектолог.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка