Австралија: Поради климатските промени, најтопла зима досега

Поради климатските промени, во Австралија е регистрирана најтоплата зима досега, соопшти денеска невладината организација „Климатски совет“.

Според податоците објавени овој месец, просечните максимални температури во текот на зимските месеци во Австралија, односно од јуни до август, биле речиси два степена над просечното за тој период од годината.

„Климатски совет“ во извештајот ги поврза рекордните зимски температури со „влошените климатски промени“.