Авионско прскање против комарци во Чешиново - Облешево

Во Општина Чешиново - Облешево утре (петок) од 5 до 8 часот ќе се спроведе првото авионско третирање против комарци за годинава.

Согласно програмата, границата на третирање започнува од вливот на река Злетовица во река Брегалница, потоа по течението на река Брегалница до висина на селото Теранци, како и површините помеѓу магистралниот пат М-5 и село Чешиново, почнувајки од село Уларци до село Облешево.

Со авионското третирање, како што информираат од општината, ќе бидат опфатени и населените места Жиганци, Соколарци, Спанчево, Бање, Уларци, Чешиново, Облешево, Бурилчево, Кучичино, Чифлик и Теранци.

Вкупната површина што ќе биде третирана со авинското прскање против комарците изнесува 900 хектари.

Од општина Чешиново - Облешево упатуваат апел до одгледувачите на пчелни семејства да ги заштитат пред и по авионското прскање најмалку 4 часа.