Асад: САД и продаваат на Турција украдена сириска нафта
Сирискиот претседател Башар ал Асад ги обвини САД дека и продаваат на Турција запленета сириска нафта.
Во интервју за кинеската телевизија Феникс, на прашањето што се случува со нафтата произведена во објектите источно од Еуфрат, тој рече дека „Америка сега е таа што краде нафта и ја продава на Турција“.
Тој истакна дека пред Американците, изворите на нафта ги користеле Џабхат ал Нусра, а подоцна и ИД.
„Турскиот режим е директно вклучен во продажба на нафта, претходно со Ал-Нусра, подоцна со ИД, а денес со Американците“, рече Асад.
Кон крајот на октомври, американскиот претседател Доналд Трамп ги објави плановите за повлекување на американската војска од северна Сирија, каде Турција ја спроведе операции. Сепак, Вашингтон додаде дека ќе ја задржи контролата врз нафтените полиња во североисточна Сирија.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари