Апелација одлучи „бомбите“ да бидат доказ во „ТНТ“ и „Топлик“
Прислушуваните разговори во случаите „ТНТ“ за уривањето на комплексот Космос и „Топлик“ за изградбата на Сончев град стануваат дел од доказите што ќе се користат во овие судски процеси, одлучи Апелацискиот суд во Скопје.
Судот ја преиначи одлуката на Кривичниот суд и ги прифати жалбите на Специјалното јавно обвинителство со кои Обвинителството бараше прислушуваните разговори во предметите „Топлик“ и „ТНТ“ да бидат доказ во судската постапка.
Обвинителите од СЈО вчера на двете јавни седници изјавија дека обвинетите во овие предмети, поранешниот премиер Никола Груевски и поранешниот министер за транспорт и врски Миле Јанакиевски не се жртви на прислушкување, туку тие биле дел од власта што незаконски прислушкувала. Обвинителите тврдеа дека снимките имаат доказна вредност и со нив не се повредува приватноста на обвинетите.
Адвокатите на обвинетите, пак, тврдеа дека прислушкуваните разговори се незаконски стекнати и се нарушува приватноста на обвинетите.
Снимките од прислушуваните разговори досега се прифатени како докази и во предметот „Триста“ во кој обвинет е поранешниот помошник-министер во МВР Ѓоко Поповски и за „Насилство во Центар“ во кој обвинет е поранешниот премиер Никола Груевски и случајот „Тендери“ во кој е обвинета поранешната министрека за култура Елизабета Канчевска - Милевска.
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили