-->
-->
АО:Ѓоковиќ против Раониќ и Надал на патот до финалето
-->
Новак Ѓоковиќ одбраната на титулата на Аустралијан Опен ќе ја започне против Шпанецот Фернандо Вердаско, додека првиот носител на грен слемот во Мелбурн Енди Мари на стартот ќе се сретне со Украинецот Иља Марченко.
Шесткратниот победник на Аустралијан Опен, Новак Ѓоковиќ, турнирот ќе го отвори против Шпанецот Фернандо Вердаско. Србинот и Шпанецот се сретнаа пред десетина дена во полуфиналето на турнирот во Доха, победи Ѓоковиќ со 2:1, откако во вториот сет успеа да спаси пет меч топки.
Доколку победи во првото коло, веројатен противник на Србинот во втората рунда ќе биде Денис Истомин, а во неговата половина на костурот се наоѓаат третиот светски рекет Милош Раониќ односно Рафаел Надал.
Енди Мари кој прв пат во кариерата на еден грен слем ќе настапи како прв носител, во првото коло ќе игра против Украинецот Иља Марченко, а во второто коло потенцијален ривал му е Јан-сун Лу.
Третото коло на Мари најверојатно ќе му го донесе Американецот Сем Квери, кој на последниот Вимблдон го елиминира Ѓоковиќ, а потенцијален ривал во четвртфиналето ќе му биде Роџер Федерер, доколку Швајцарецот во осминафиналето го победи Кеи Нишикори. Во делот од костурот каде се наоѓа Марие е и четвртиот играч на АТП листата Стан Вавринка.
-->
-->
-->
Ново на Сител
-
Избрани 12 поротници за судењето против Трамп
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за злоупотреба на службена положба
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти