АО: Раониќ го елиминира Вавринка

Милош Раониќ, преку Стан Вавринка, избори пласман меѓу најдобрите осум на Австралија Опен и испиша нова страница во историјата на канадскиот тенис. Раониќ, стана првиот Канаѓанец кој четири пати играл во играл четвртфинале на Грен слем турнирите.

 

Раониќ, по голема борба која траеше три часа и 45 минути, успеа да слави над шампионот од 2014 година, Вавринка со 6:4, 6:3, 5:7, 4:6, 6:3. Канаѓанецот, кој е роден во Подгорица, мечот против четвртиот носител имаше можност да го заврши во три сета, но со своите грешки му дозоволи на Вавринка да се врати во мечот, но не и да направи целосен пресврт.

 

Раониќ за пласман во полуфиналето ќе се бори против Гаел Монфилс кој во четири сета 7:5, 3:6, 6:3, 7:6 го победи рускиот тенисер Андреј Кузњецов.