Анкета: Намалена поддршката за Трамп

Два месеци по стапувањето на должност на американскиот претседател Доналд Трамп, една анкета покажа дека повеќето Американци не го одобруваат работењето на претседателот.  

Анкетата беше спроведена од Националниот центар за истражување на јавното мислење (НОРЦ) по неуспехот за здравствените реформи на републиканците. Таа покажа дека 42 отсто од Американците го одобруваат, а 58 проценти не го одобруваат работењето на Трамп. 

Во споредба, во истата фаза од управувањето Барак Обама уживаше поддршка од над 60 процнети од учесниците во анкетата на „Галуп“. 

Добрата вест за Трамп е тоа што оценката за постигнувањата во областа на економијата е поделена речиси на половина, а достигнувањата на претседателот во однос на економијата често се клучни за неговиот успех или неуспех.